“زعران”.. ممثلة سورية تروي ما فعله معها عناصر بشار الأسد في دمشق (فيديو)
الوسيلة – متابعة:
اتهمت ممثلة سورية عناصر إحدى الحواجز التابعة للنظام في مدينة دمشق، بتـ.هريب مجموعة من الشباب، تحـ.رشوا بها وبصديقاتها، وأشهروا سكـ.يناً في وجههم.
وفي التفاصيل، قالت الممثلة رهف الرحبي، في تسجيل مصور رصدته الوسيلة: هاد الحدث طبيعي وعادي، تكسي سابا جاي مخالفة، قلنالها مخالفة، صار ملاسنة لفظية بيناتنا، وراحت التكسي وخلصت القصة”.
وأضافت: “في منطقة المزة حوالي الساعة الواحدة ونصف، عند مطعم الطربوش، مقابل حاجز طلعة السهلي، بانتظار أحد الأصدقاء، بقوم بتصف التكسي تحت، ما منشوف النمرة ولا منشوف شي، أكيد الحارات ما فيها كميرات، وأنا سألت عن التكسي بالحارة على فكرة، وقالولي هي يومياً بتصف عند كشك أبو رعد، أكيد بعد هاد الفيديو رح تختفي التكسي”.
وتابعت: “بيطلعو الشباب، الشوفير تبعهم، و3 زعران بيتفوهوا بأدنى الكلمات اللفظية والسوقية، مع سكين، بتنحط السـ.كين، نحن شب وخمس بنات، بتنحط السـ.كين تحت رقبة الشب اللي معنا”.
واستدركت بالقول: “طبعاً نحنا وقت شفنا السكين اتجهنا باتجاه الحاجز، لأنه حامينا، يعني منحتمي بالحاجز طبيعي الموضوع”.
وأردفت الرحبي: “الشباب نايمين، مو كلهم، شي باللباس المدني، قلي أنا آسف كنت نايم، فكرت خطفوا وحدة منكم، فاق على الصوت”.
وأضافت: “هنن أكثر من 3 شباب، واحد اختفى، الأول حكيت عنه، الثالث بالزي العسكري، أول شغلة عملها هرب ولاد حارته، اللي هنن الشوفير و3 زعران”.
وقالت الممثلة السورية: “قله الشب اللي معي أنا مخرج بالتلفزيون العربي السوري، قله إي روح أحسن ما عبيك”.
وأكملت: “الحدث لهون طبيعي، يعني طبعاً رح تسألوا كتير ليش منزلة هاد الفيديو، وليش ما حكيت مع فلان، مزبوط بحكي مع فلان بقلك إحكي مع فلان، بتحكي مع فلان بقلك إحكي مع فلان، بتحكي مع فلان بقلك ما بعرف جيب رقم ما بعرف مدري مين، ومتل ما منعرف كلنا إنه مبارح خميس، يعني صحب إيجاد حلول للموضوع”.
إقرأ أيضاً: سوزان نجم الدين تُهاجم أكلناها.. ما علاقة أيمن رضا وباسم ياخور؟ (فيديو)
وختمت: “بكل الأحوال أهم شي إنه نحنا بخير وهنن بخير وكلنا بخير، بس لازم نشوف حلول لهي المواضيع الصغيرة، لأنه سوريا أكبر من هيك بكتير، وبعد الكلام شكراً لكل اللي سمعو الفيديو للآخر”.
ورهف هي إبنة الفنان المعروف فهر الرحبي الشهير بعمله في إدارة الإنتاج خريجة المعهد العالي الفنون المسرح عام 2011.
شاركت بالعديد من الاعمال ابرزت مسلسل “عناية مشددة ” مع المخرج أحمد إبراهيم أحمد.